Kapet autori i vrasjes në Shkodër

17:00 | 28/08/201817:000

Policia e Shkodrës ka vënë në pranga 33 vjeçarin Alfred Pllumbaj, autor i dyshuar i vrasjes së shtetasit Prendush Fushaj, një ditë më parë në këtë qytet. Ngjarja ka ndodhur mbrëmë rreth orës 19:15 në lagjen “Mark Lula” ku banojnë si autori Pllumbaj ashtu dhe viktima.

Policia nuk bën të ditur ku është ndaluar autori i dyshuar i krimit, por sqaron se kapja e tij u bë e mundur si rezultat i rrethimit të zonës në një perimetër të gjerë nga Policia. Sipas uniformave blu, 54 vjeçari Fushaj u qëllua për vdekje me thikë nga autori i dyshuar Pllumbaj pas një konflikti për motive të dobëta.

 

Më poshtë njoftimi i plotë i policisë:

Lokalizohet, kapet dhe arrestohet autori i dyshuar i vrasjes së shtetasit P. F. Kapja e tij u bë e mundur si rezultat i rrethimit të zonës në një perimetër të gjerë nga Policia .

Pas një pune intensive të Forcave Operacionale në Drejtorinë Vendore të Policisë Shkodër, në bashkëpunim me FNSH Shkodër, u bë i mundur lokalizimi, kapja dhe arrestimi brenda 24 orëve, i shtetasit: Alfred Pllumbaj, 33 vjeç, banues në lagjen “Mark Lula”, Shkodër. Ky shtetas dyshohet si autor i vrasjes së shtetasit P. F., ndodhur mbrëmë, ku pas një konflikti për motive të dobëta e ka goditur me mjet prerës (thikë).

Materialet iu referuan Prokurorisë së Rrethit Gjyqësor Shkodër për veprat penale të “Vrasja me dashje” e “Prodhimi, mbajtja, blerja apo shitja pa leje e armëve të ftohta” parashikuar nga nenet 76 e 279 të Kodit Penal./abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono