Kandidatët për gjyqtarë, në pritje që KED të bëhet funksional

16:47 | 17/07/201816:470

Këshilli i Emërimeve në Drejtësi është institucioni i parë i krijuar pas ndryshimeve kushtetuese të Korrikut 2016. Por edhe pse është ngritur dy herë, KED ende nuk është funksional për detyrën e tij: renditjen e kandidatëve për gjyqtarë kushtetues për katër vakancat e shpallura.

Institucioni i parë i krijuar pas ndryshimeve kushtetuese të Korrikut 2016 është Këshilli i Emërimeve në Drejtësi. Por trupa e tij e ngritur dy herë derimëtani ende nuk ka miratuar nje rregullore të institucionit, duke pamundësuar kështu edhe administrimin e dokumentave përmes së cilave sipas kushtetutës duhet të rendisë kandidatët për gjyqtar Kushtetues për katër vakancat e shpallura.

Quhet Këshilli i Emërimeve në Drejtësi dhe ndodhet në mandatin e saj të dytë. Edhe pse me trupë të përzgjedhur prej Janarit 2017 dhe përtëritjes së saj në Tetor 2017, Këshilli i Emërimeve në Drejtësi sot nuk ka ende një rregullore të miratuar për funksionimin e saj, duke bllokuar kështu edhe administrimin e dokumentave lidhur me krijimin apo përtëritjen e institucioneve të drejtësisë së reformuar.

I gjendur fizikisht në ambientet e Gjykatës së Lartë, sipas Kushtetutës dhe ligjit, Këshilli ngarkohet edhe me vlerësimin dhe renditja e kandidatëve për gjyqtarë Kushtetues të përcjella nga Presidenti, Kuvendi dhe Gjykata e Lartë.

Por dy vjet më vonë, KED ka arritur të mblidhet vetëm një herë zyrtarisht, mbledhje gjatë së cilës Këshilli u konstituua dhe një grup pune u votua nga anëtarët për krijimin e rregullores mbi të cilën institucioni do të funksionojë.

Vetë kryetari i KED, Artan Broci, gjatë diskutimeve ka argumentuar nevojën e nëj rregulloreje përpara administrimit të kandidaturave për vakancat e Gjykatës Kushtetuese.

“Veprimtaria e KED sipas ligjit ka dy funksione kryesore: rankimin dhe renditjen për Inspektorin e Lartë të Drejtësisë dhe për anëtarët e Gjykatës Kushtetuese të bërë sipas një procedure të përcaktuar nga ligji dhe rregulloreve përkatëse. Unë besoj se përpara se të kalojmë në administrimin e akteve të sjella nga Presidenti apo nga Kuvendi i Shqipërisë, i cili ka shpallur vakancën e dytë në listimin e tij publik besoj se do ishte mirë të rregullojmë veprimtarinë e Këshillit me rregullore”.

Këshilli u dakordësua dhe grupi i punës u votua. Katër muaj më vonë, një rregullore e tillë nuk është ende gati dhe Këshilli i Emërimeve në Drejtësi nuk është mbledhur më./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono