Kancelari austriak Kurz i jep fund polemikave: Austria e ka njohur Kosovën

13:35 | 14/02/2018

Kancelari austriak Sebastian Kurz i ka dhënë fund polemikave të ditëve të fundit pas deklaratave të zëvendësit të tij rreth pavarësisë së Kosovës. Kruz është shprehur se Austria e ka njohur shtetin e Kosovës dhe një gjë e tillë nuk do të ndryshojë.

Ndërkohë që në Austri vijojnë ende debatet për Kosovën pas deklaratave të zv/kancelarit Heinz Kristian Strahe sipas të cilit komuniteti ndërkombëtar nuk duhet t’i bëjë presion Serbisë për Kosovën, ka reaguar dhe kancelari Sebastian Kurz. Ky i fundit deklaroi se Austria e ka njohur pavarësinë e Kosovës dhe kjo nuk do të ndryshojë.

Deklaratat e disa ditëve më parë të Strahe, i cili përmendte dhe një ndarje të mundshme të territorit të Kosovës, nxitën shumë reagime në Kosovë, Serbi dhe Europë. Një nga më të ashpërit në reagimet e tij ishte europarlamentari gjerman Bernd Posselt, i cili kërkoi dorëheqjen e menjëhershme të zëvendëskancelarit. Sipas tij Strahe me deklaratat e bëra konfirmoi se është një njeri që mbështet presidentin rus Putin, Brenda Bashkimit europian. Madje Posselt ka shkuar dhe më tej duke e akuzuar zëvendëskancelarin austriak se është një lloj kalë Troje i Putin në Be, kjo sepse Moska po bën gjithcka për të mosnjohjen e pavarësisë së Kosovës.

Austria është një nga vendet anëtare të Bashkimit Evropian që ka njohur Pavarësinë e Kosovës dhjetë vjet më parë./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono