“Kam qenë fans i United, por Liverpool është më lart! Do ketë festë në Tanzani”

18:01 | 22/10/201918:010

Genku pret Liverpoolin nesër në shtëpi. Belgët frenuan në një barazim pa gola Napolin e Ancelottit dhe do të tentojnë të njëjtën gjë edhe kundër kampionëve në fuqi, pavarësisht vështirësisë më të madhe që paraqet ky duel.

Mbwana Samatta është bomberi kryesor i ekipit. 26-vjeçari nga Tanzania ka shënuar 5 gola në kampionat deri tani dhe një në Champions League, në humbjen 6-2 kundër Salzburgut.

Samatta do të bëjë të pamundurën për t’i shënuar ekipit të Kloppit. Ai është që i vogël një tifoz i zjarrtë i Manchester United dhe kjo ndeshje merr trajtat e një “derbi” për të. Sulmuesi afrikan do të përballet me Virgil Van Dijk dhe në vendlindje kjo ndeshje do të përjetohet si një festë kombëtare.

“Skuadra ime e preferuar ka qenë gjithmonë Manchester United, por më duhet ta pranoj se Liverpooli është shumë herë më i fortë sot. Çdo fëmijë dëshiron të luajë në ndeshje si kjo e nesërmja. Ndjen diçka të veçantë kur dëgjon himnin e Championsit.

Në vendin tim po e presin me padurim këtë ndeshje. Flasin prej ditësh dhe tema e bisedimeve është kjo: ‘Aly kundër mbrojtësit më të mirë në botë’. Në Tanzani do të bëhet një festë e madhe nesër”, përfundon sulmuesi i ekipit belg. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono