Kalon për gjykim një pjesë e dosjes 339, pushon çështja ndaj vëllait të Arben Ndokës

17:51 | 09/01/202017:510

Kalon për gjykim një pjesë e dosjes 339. Burime për ABC News kanë raportuar se ditën e sotme një pjesë e dosjes 339 ka kaluar tashmë për gjykim në Gjykatën e Posaçme. Ndërkohë po kjo gjykatë gjatë seancës paraprake ka vendosur të pushojë çështjen ndaj vëllait të Arben Ndokës. Ndërsa ndaj Arben Ndokës gjykata ka vendosur të rrëzojë akuzën e “Grup i strukturuar kriminal”.

Ish-deputeti i PS, Arben Ndoka paraditen e sotme është paraqitur në Gjykatën e Krimit të Organizuar dhe Korrupsionit për seancën paraprake, pasi u mor i pandehur dhe dosja u dërgua në gjykatë.

Ish-deputeti i Partisë Socialiste së bashku me 14 persona të tjerë u morën të pandehur në kuadër të dosjes 339/1, si të implikuar në skemën e tjetërsimit të pronave në zonën e “Rranës së Hedhun” në Lezhë.

Ndaj të pandehurve të kësaj dosje dy prokurorët e çështjes Vladimir Mara dhe Dritan Prençi kanë ngritur akuzën e “Falsifikimit të dokumenteve”, “Pastrimit të produkteve të veprës penale”, Falsifikimi i vulave, stampave ose i formularëve”, “Shpërdorimi i tokës” dhe “Grup i strukturuar kriminal”.

Mes personave të marrë të pandehur për tjetërsimin e pronave në Lezhë është dhe vëllai i ish-deputetit Arben Ndoka.

Për këtë çështje prokuroria ka sekuestruar dhe 300 mijë m2 tokë në zonën e Ranës së Hedhun në plazhin e Shëngjinit.

Arben Ndoka, u ndalua në pasditën e 21 tetorit të vitit 2018, së bashku me të vëllanë, Xhevahir Ndoka. Ndërkohë në mars 2018, Policia e Lezhës hetoi një grup tjetër kriminal që ishte i lidhur me abuzimet e tokave në zonën e Shëngjinit dhe ndaloi 12 persona, mes tyre edhe ish-kryetarin e Bashkisë Lezhë të PD-së, Fran Frrokaj./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono