Juventus mund të dështojë në transferimin e sulmuesit Federiko Kieza

13:00 | 12/07/2019

Skuadra e Juventusit mund të humbasë një nga lojtarët më të kërkuar në këtë merkato. Talenti Italian Federiko Kieza dëshiron kalimin tek bardhezinjtë, por presidenca e re e Fiorentinës nuk lejon largimin e 21 vjeçarit.

Juventus merr goditjen e parë në këtë merkato. Bardhezinjtë interesohen prej kohësh për të nënshkruar me sulmuesin e talentuar Italian Federika Kieza që aktivizohet me skuadrën e Fiorentinës por transferimi mund të shtyhet për sezonin e  ardhshëm. Pak ditë më parë Presidenti i ri i skuadrës vjollcë, Komiso deklaroi se lojtari nuk do të largohet këtë merkato dhe ky qendrim është konfirmuar edhe nga krahu i djathtë i tij, Xho Barone i cili thekson se sulmuesi do të luaje edhe edicionin e ardhshëm në “Atemio Franki” të Firences.

Kieza do të mbetet tek Fiorentina edhe sezonin e ardhshëm dhe për këtë nuk kam asnjë dyshim. Mezi po pres ta takoj futbollistin në Shtetet e Bashkuara të Amerikës kur të vijë me skuadrën për International Champions Cup, tha Barone për mediat në Itali.

Mësohet se skuadra e Juventusit ka një akord me vetë futbollistin, por ndryshimi i kupolës drejtuese tek Fiorentina ka ndryshuar planet e merkatos. Presidenti i ri ka theksuar se klubi nuk do të lejojë shitjen e futbollistëve të mëdhenj, pasi synimi është të ndërtohet një skuadër konkuruese.

Juventus kërkonte të investonte plot 70 mln euro për anësorin premtues i cili ka mahnitur sezonin e kaluar me paraqitjet e tij në Serinë A, por edhe me kombëtaren e Italisë. Edhe Inter ishte në garë për sulmuesin, por është tërhequr prej kohesh pasi çmimi i lojtarit ishte i papërballueshëm për financat e skuadrës italiane. /ABC News Albania 24/7



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono