“Jo rikthimit të formatit G8”, BE kundër Trump

22:16 | 22/08/2019

BE ka kundërshtuar idenë e presidentit Trump për rikthimin e formatit G8, që parashikon përfshirjen e Rusisë, e dëbuar nga grupimi për shkak të pushtimit të Krimesë 5 vjet më parë. Për Perëndimin, Moska nuk është gati të rikthehet në grupim për sa kohë nuk respekton parimet e demokracisë.

Bashkimi Europian është shprehur kundër një riaktivizimi të mundshëm të formatit G8, duke kundërshtuar kështu iniciativën e presidentit Donald Trump për të rikthyer Rusinë në grupimin e më të fuqishmëve të botës.

“Motivet që çuan në përjashtimin e Moskës janë ende të vlefshëm, ndaj një gjë e tillë do të ishte joproduktive”, thuhet në një komunikatë për shtyp.

Në dokumentin në fjalë nënvizohet se formati duhet të vijojë të jetë një bashkësi demokracish që respektojnë shtetin e së drejtës. Ditën e martë presidenti amerikan Donald Trump deklaroi se do të ishte e përshtatshme që G7-a të kthehej në G8, një iniciativë kjo që u mbështet edhe nga presidenti francez Emmanuel Macron.

Por kundër është shprehur edhe presidenti i Ukrainës, Volodimir Zelenskij, i cili deklaroi se Moska vazhdon të mbajë të pushtuar Krimenë dhe të cënojë paqen në lindje të Ukrainës.

“Asgjë nuk ka ndryshuar që prej marsit të vitit 2014, kur pjesëmarrja e Rusisë në G8 u pezullua. Krimea vazhdon të jetë e pushtuar si më parë, ndërsa rajoni i Donbasit vuan ende nga lufta”, tha Zelenskij.

Duke folur nga Berlini një ditë më parë, kryeministri britanik Boris Johnson citoi rastin e helmimit të spiunit rus Sergei Skripal me agjent nervor si motiv për të mos e kthyer Rusinë në format. Po ashtu, kundër është shprehur edhe qeveria kanadeze me argumentin se Moska nuk respekton parimet e demokracisë./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono