Izraeli triumfon në Eurovision, Shqipëria në vendin e 11


10:19 | 13/05/2018

Këngëtarët shqiptarë kanë shkëlqyer në skenën e Eurovision-it, ku finalja e madhe u fitua nga Izraeli me këngëtaren Netta. Eugent Bushpepa u rendit në vend të 11, ndërsa shqiptarja që përfaqësoi Qirpon vetëm një hap larg fitores u rendit e dyta.

Një fitore e parashikueshme pasi gjatë ditës së të shtunës të gjitha parashikimet flisnin në favor të këgëtares Netta me “Toy”.

Por nga ana tjetër, këngëtarët shqiptarë kanë shkëlqyer me performancën e tyre.

Eugente Bushpepa që përfaqësoi vendin tonë me këngën “Mall” u rendit në vendin e 11 me 184 pikë. Pas interpretimit ai është shoqëruar nga shumë duartrokitje.

Dyshja Ermal Meta dhe Fabrizio Moro arritën të renditen të pestit me këngën e tyre “Non mi avete fatto niente”, vetëm falë votive të publikut, pasi vetëm Shqipëria i dha pikët maksimale këngëtarit shqiptar që përfaqësoi Italinë në këtë garë muzikore. Vetë Italia i dha 0 pikë Shqipërisë që përfaqësohej nga Eugent Bushpepa.

Një triumf i vërtetë ka qenë për shqiptaren tjetër Eleni Foureira që përfaqësoi Qipron, e cila e pa veten vetëm një hap larg fitores me këngën e saj “Fuego”. Shqipëria i dha dhjetë pikë performancës së saj.

Dhe pikërisht për këtë fakt, mediat greke duket se janë të pakënaqura. Shtypi grek, kritikon Shqipërinë që nuk i dha 12 pikë të plota Eleni Foureiras, që mund të kishin ndikuar në fitoren e saj. Pavarësisht se ato 2 pikë më shumë, nuk do ta ngjisnin në vendin e parë./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono