Itali, qeveria publikon raportin për urën Morandi: Faji i kompanisë menaxhuese

23:50 | 25/09/2018

Ministria e Transporteve në Romë ka publikuar një raport ku fajëson kompaninë “Autostrada për Italinë” për shembjen e urës Morandi një muaj më parë. Në raportin e saj, ministria prezanton prova që e autorizojnë t’i tërheqë kompanisë koncesionin për mirëmbajtjen e infrastrukturës rrugore.

Qeveria italiane ka publikuar të martën një raport ku fajëson kompaninë për mirëmbajtjen e autostradave për shembjen e urës Morandi muajin e kaluar. Përmes këtij raporti, ekzekutivi i udhëhequr nga Xhuzepe Konte pretendon se ka prova që e autorizojnë t’i heqë koncesionin e mirëmbajtjes kompanisë “Autostrada për Italinë”. Sipas raportit, grupi në fjalë ka dështuar në përmbushjen e parametrave të sigurisë për urën e Xhenovës, nga shembja e së cilës humbën jetën 43 vetë. Dokumenti nënvizon se koncesionari nuk mori masa për zgjidhjen e problemeve që vinin nga vjetërsia e strukturës. Gjithashtu kompania, që kujdeset për mirëmbajtjen e rreth 3 mijë kilometrave rrugë të Italisë, akuzohet për keqmenaxhim të shpenzimeve që kishte marrë në dorë në kuadër të koncesionit. “Autostrada për Italinë”, pjesë e konsorciumit “Atlanta” i kontrolluar nga famlja Beneton, nuk ka reaguar në lidhje me raportin, por vlera e aksioneve të saj në bursë ka rënë me 0.7 për qind pas publikimit të tij. Ndër të tjera, qeveria në Romë nuk dëshiron që ajo të përfshihet në rindërtimin e urës, ndërkohë që prokurorët që po drejtojnë hetimet kanë deklaruar se punimet për strukturën e re duhet të nisin të paktën 2 muaj më vonë, derisa ekspertët të bëjnë inspektimet e duhura. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono