Itali, orë vendimtare për qeverinë e re

16:45 | 27/05/2018

Kryeministrit të mandatuar në Itali i skadon afati sonte në mesnatë për të prezantuar dhe betuar qeverinë e re. Sëfundmi ka thyer heshtjen dhe kandidati për ministër Ekonomie, i cili i ka shfaqur hapur idetë e tij për një largim të vendit nga zona euro. Savona është shprehur se tashmë mbështet një Europë më të fortë, por dhe më të barabartë.

Orë vendimtare për Giuseppe Conte-n, të cilit i skadon afati sonte në mesnatë për të formuar ose jo qeverinë e tij. Afati, i ishte vendosur nga dy drejtuesit e koalicionit mes Lega Nord dhe Lëvizjes 5 Yjet, Matteo Salvini dhe Luigi Di Maio. Qëllimi i kryeministrit të mandatuar është që të prezantojë ekipin e tij qeverisës dhe të bëjë betimin përpara nisjes së javës së re. Conte kishte gjithçka gati prej ditësh, por një emër në qeverinë e tij nxiti polemika të shumta, pasi në lojë vendosej fati i Italisë në BE.

“Qëndrimet e mia janë të njohura, janë ato që gjenden në kontratën e qeverisë, me zbatimin e plotë të Traktatit të Mastrihtit. Dua një Evropë ndryshe, më të fortë, por më të drejtë”.

Paolo Savona, pas disa ditësh polemika, ka thyer heshtjen dhe qartëson qëndrimin e tij lidhur me Bashkimin Europian, në një deklaratë të publikuar në mediat italiane. Ekonomisti shpjegon se është e nevojshme të theksohet mendimi i tij për respektimin e institucioneve.

“Nuk kam ndërhyrë këto ditë ndaj polemikave që janë drejtuar kundër ideve të mija sa i përket BE-së, dhe në veçanti temës së Euros”, shton më tej Savona.

I nominuar si ministër i Ekonomisë, profesori i njohur në Itali, ka deklaruar më përpara se mbështet largimin e vendit nga zona Euro. Këto deklarata të tij ngjallën panik tek qytetarët, pasi ishin të bindur se Savona do të përmbushte qëndrimin e tij duke sjellë një largim të mundshëm të Italisë nga unioni monetar.

Ndërkohë, gjatë ditës ka ardhur dhe një reagim i liderit të Lega Nord sa i përket formimit të qeverisë së re. Salvini u shpreh optimist duke shkruar në Tëitter se nuk do të dorëzohet deri në momentet e fundit. Italia gjendet në krizë të thellë politike që prej zgjedhjeve të 4 Marsit dhe BE ka bërë thirrje vazhdimisht që kjo gjendje të tejkalohet./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono