Ish-ministrat e Brendshëm Noka-Rama: Shteti ka humbur betejën morale me krimin

14:47 | 21/01/202014:470

Janari i 2020 ka nisur dhe vijon të jetë i përgjakshëm, ku ngjarjet kriminale të eleminimeve mafioze, grabitjeve me dhunë dhe krimit në familje kanë pasuar njëra-tjetrën.

Sipas ish-ministrave të Brendshëm, Flamur Noka dhe Luan Rama gjendja e kriminalitetit është e lidhur ngushtë me qasjen e shtetit por edhe me aftësitë profesioanale që Policia e Shtetit ka për të zbardhur këto ngjarje. Noka kujton se çfarë e frenoi krimin në vitin 2005.

 “Çështja e luftës kundër kriminalitetit në përgjithësi, është çështje e vullnetit politik. Ishte një vullnet politik në vitin 2005 që bëri që të gjithë bosat e krimit të organizuar të ishin prapa hekurave. Ky është vullneti politik, sot nuk egziston dhe ja ku jemi”, tha Noka.

Luan Rama përgjegjësinë nuk e sheh te Policia e Shtetit më shumë sesa te beteja e humbur e qeversië për të treguar se është e aftë të përballet me krimin.

  “Qeveria moralisht e ka humbur betejën me krimin. Duhet vrarë vatra që prodhon këtë zinxhir krimesh të njëpasnjëshme. Për të krijuar një impakt tjetër të qasjes së lirisë së qytetarëve ndryshimi është i domosdoshëm”, tha Luan Rama.

Lirimi i individëve me të kaluar kriminale, të dënuar me burgime të përjetshme sipas dy ish-ministrave të Ramës e Nokës ka rrëzuar edhe vetë Reformën në Drejtësi.

“Ishin po këto gjykata që dikur nuk u shkonte mendja të ndërmerrnin hapa të tilla. Pse sot të gjithë gjyqtarët po lirojnë një nga një krerët e grupeve kriminale në Shqipëri? Përgjigja është e thjeshtë: Nuk ka vullnet politik”, tha Flamur Noka.

“E gjithë ajo çfarë është bërë për të ashtëquajturën sukses të reformës në drejtësi është bllof”, tha më tej Luan Rama.

Gjykata e Krujës liroi me kusht pak kohë më parë një nga ish-anëtarët e “Bandës së Durrësit”, 36- vjeçarin Endrit Dokle, që ishte dënuar me burg përjetë nga gjykata e krimeve të rënda, ndërkohë që pas tij edhe Gjykata e Fierit ka liroi të dënuarin me 25 vite burgim, Sardian Sulejmani./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono