Ish-kreu i sigurisë së presidentit Macron nën hetim


17:43 | 19/07/2018

Ish-kreu i sigurisë së presidentit francez Emmanuel Macron është vënë nën hetim nga prokuroria franceze, pasi ka dhunuar një manifestues gjatë protestave të 1 Majit në vend. Politikanë e gazetarë i kanë kërkuar presidentit që të reagojë publikisht për çështjen.

Prokuroria e Parisit ka nisur hetimet paraprake për dhunë pas lajmit të publikuar nga Le Monde për Aleksandër Benala, bashkëpunëtor i presidentit Macron. Në 1 Maj të këtij viti, i mbuluar nga një kasko e policisë ka dhunuar një manifestues në Paris. Për këtë çështje reagoi dhe Elize që e konsideroi një sjellje të papranueshme

Bashkëpunëtori i Macron nën hetim, aktualisht është ish-kreu i sigurisë së presidentit francez pasi u pezullua nga puna nga 4 deri në 19 Maj dhe më pas u emërua në një funksion tjetër administrative në Elize.

Nga ekstremi i majtë e deri në ekstremin e djathtë kanë shpërthyer polemikat. Televizionet, radiot por dhe në korridoret e parlamentit shtohen deklaratat e politikanëve dhe liderëve të partisë të cilët i kërkojnë presidentit Makron që të reagojë publikisht për çështjen.

Kreu i shtetit aktualisht ndodhet në Paris për të prezantuar një pullë të re dhe pasi ka përshëndetur turmën që e priste nuk ka pranuar të përgjigjet ndaj pyetjeve të vazhdueshme për çështjen Benala, nga gazetarët e shumtë që e ndiqnin. Rrjeti televiziv francez BFMTV e konsideroi situatën si një krizë të paprecedentë që nga moment kur Macron ka hyrë në Elize./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono