Ish-kreu i KQZ: Ç’dekretimi i Presidentit ka tjetër efekt për krizën politike

22:39 | 11/06/2019

Kristaq Kume, ish-kryetar i KQZ, ka qenë i ftuari i radhës në studion e Provokacija me Mustafa Nanon. Kume zhvilloi një bisedë ku ndau opinionin e tij për situatën aktuale politike në vend. Kume tha se dekreti i Presidentit është i rregullt por nuk është një dekret i zakonshëm dhe duhet parë si një mundësi që presidenti i ka dhënë palëve, me këtë dekret, qe të zgjidhin ngërçin politik ku ndodhen. Sipas Kumes e drejta e presidentit për të marrë një vendim të tillë është e barasvlershme me të drejtën që i cakton kushtetuta, është i njëjti arsyetim që mund të bëhet edhe për kuvendin e Shqipërisë. Kume theksoi se edhe për kuvendin e Shqipërisë, nuk thuhet askund se mund të shfuqizojë ligje por ai mund ta bëjë këtë, ashtu si bëri me ligjin, “Për importin e mbetjeve urbane”.

Veprimi i presidentit është korrekt. Me këtë veprim presidenti u ka krijuar mundësi palëve që të ulen në dialog. Presidenti kërkoi të konsultohet me palët por palët nuk e morën në konsideratë. Ky nuk është një dekret si gjithë të tjerët, ky dekret ka si efekt stopimin e një procesi të nisur dhe nuk cakton datë se kur mund të rifillojë procesi. Dekreti është atipik, target i tij nuk është të kalohet nga një datë zgjedhjesh në një tjetër, por mundësia që i jepet forcave politike për të zgjidhur problemet.

Në kompetencat kushtetuese të Presidentit të Republikës është parashikuar midis të tjerave edhe caktimi i datës së zgjedhjeve. Në vlerësimin tim e drejta për të marrë një vendim të tillë është e barasvlershme edhe për të marrë vendimin e kundërt me të. Është i njëjti arsyetim që mund të bëhet për Kuvendin e Shqipërisë. Kuvendi i Shqipërisë në Kushtetutë është institucioni që miraton ligje dhe nuk thuhet asgjëkund që Kuvendi i Shqipërisë mund të shfuqizojë ligje. Megjithatë Kuvendi i Shqipërisë mund të shfuqizojë një ligj që e ka miratuar vetë siç është psh: “ligji për importin e mbetjeve urbane”, i cili ishte miratuar nga parlamenti dhe mazhoranca e re e shfuqizoi. Pra nuk ka nevojë të shprehet në dokumentin përkatës sic është Kushtetuta, nëse Presidenti ka të drejtë të caktojë datën. Ai ka të drejtë ta ndryshojë atë, ne kemi precedentë të tillë sa të duash. Ky dekret i presidentit nuk duhet të shihet si një dekret që atakon procesin zgjedhor të radhës”, tha Kume./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono