Irani feston 40 vjetorin e revolucionit islamik

12:42 | 11/02/201912:420

Irani festoi 40 vjetorin e krijimit të rpeublikës islamike. Me dhjetëra mijëra persona u mblodhën në Teheran, ndërsa presidenti Rohani premtoi se vendi do të përforcojë pushtetin e tij ushtarak.

Dhjetëra mijëra iranianë kanë zbritur në rrugët e Teheranit për të festuar 40 vjetorin e Republikës Islamike e krijuar nga revolucioni Komeinist në vitin 1979. Në 11 shkurt të 40 viteve më parë i rrëzuar regjimi i Shah-ut Reza Pahlavi, dhjetë ditë pas rikthimit triumfues nga ekzili i Ajatollah Ruhollah Komeini, babai themelues i Republikës islamike iraniane. Festmiet vijnë në një moment jo të lehtë për Iranin, si pasojë e sanksioneve të reja të vendosura nga Shtetet e Bashkuara të Amerikës që kanë kontribuar në rritjen e çmimeve dhe reduktimin e ushqimeve në treg. Manifestuesit mbanin në duar fotografi dhe parulla për Khomeini dhe pasardhësit të tij drejtuesit supreme, Ajatollah Ali Khamenei. Kortezhe ka pasur dhe në qytete e fshatra të tjera të vendit.

Presidenti Iranian Hasan Rohani deklaroi se është i vendosur që vendi të përforcojë pushtetin e tij ushtarak dhe programin e raketave pavarësisht presopneve të vendeve të konsideruara armike, të cilat synojnë dobësimin e mbrojtjes iraniane. Më tej ai shtoi se Irani nuk ka kërkuar dhe nuk do të kërkojë leje për të zhvilluar lloje të ndryshme raketash. Rohani theksoi se komploti i Shteteve të Bashkuara të Amerikës kundër Iranit do të përfundojë dhe armiku nuk do të arrijë asnjëherë të realizojë objektivat e tij djallëzore. “Prania e popullit në rrugët e vendit tregon se armiku do të mundet”, përfundoi ai. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono