IPKO “kopjon” Superioren: Triumfe vendasish, kryeson Gjilani

16:06 | 23/10/201916:060

Tre ndeshjet e IPKO Superligës së Kosovës kanë prodhuar fitore të ekipeve vendase, njësoj siç ndodhi në tre duelet e drekës në Superioren e Shqipërisë.

Gjilani triumfoi pastër kundër Llapit. Ekipi i Gentian Mezanit triumfoi 3-0 në shtëpi dhe udhëheq kampionatin dardan me 24 pikë pas javës së 11-të. Tomislav Busic zhbllokoi rezultatin në fund të pjesë së parë, ndërsa Bedri Greca dhe Gerhard Progni e vulosën atë në pjesën e dytë. Kjo ishte fitorja e katërt rresht për “Skifterat”, ndërsa ekipi nga Podujeva mbetet katër pikë larg kreut.

Me të njëjtin rezultat fitoi edhe Drenica në shtëpi. “Shqiponjat e Zeza” mposhtën Dukagjinin e vendeve të fundit dhe u rikthyen te fitorja pas tre barazimeve rresht. Van-Dave Harmon ishte autori i golit të parë. Sulmuesi nga Liberia shënoi në të dy pjesët, ndërsa Diar Mustafa ishte autori i golit tjetër të ekipit nga Skënderaj.

Trepça ’89 nuk fitonte prej tre ndeshjesh. Ekipit nga Mitrovica i mjaftoi një gol i Leart Eminit në pjesën e parë për të fituar në shtëpi kundër Ferizajt. Ky sukses e ngjit Trepçën në vend të tetë me 13 pikë, ndërsa ekipi i Bekim Isufit renditet një pozicion më poshtë më katër pikë më pak. /abcnews.al

Drenica – Dukagjini 3-0
(Harmon 25′, 88′, Mustafa 57′)

Gjilani – Llapi 3-0
(Busic 42′, Greca 72′, Progni 85′)

Trepça ’89 – Ferizaj 1-0
(Emini 17′)

Renditja e IPKO Superligës

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono