Intervistë për EuObserver, ministri Bushati paralajmëron BE-në

15:28 | 16/05/2018

Ministri i Jashtëm, Ditmir Bushati, ka paralajmëruar Bashkimin Europian gjatë një interviste për EuObserver lidhur me ndikimin e Rusisë në rajonin e Ballkanit Perëndimor. Ai madje akuzon Kremlinin se pengon reformat e vendeve të rajonit.  

https://youtu.be/DI3VJI2gqHI

Media e njohur e Brukselit, EuObserver ka publikuar një artikull të gjatë për zhvillimet në rajonin e Ballkanit Perëndimor në sajë të samitit të Sofjes. Duke raportuar lidhur me konkluzionet e këtij samiti, thekson se Komisioni Europian ka bërë të qartë se Mali i Zi dhe Serbia mund të anëtarësohen në BE deri në vitin 2025.

“Deklarata e Sofjes prej 9 faqesh më shumë merret me iniciativa të nivelit të ulët, si projekte autostradash dhe aeroportesh, në vend që të bëjë deklarata të forta”, shkruan EuObserver.

Gjithashtu media e Brukselit ka marrë dhe një intervistë të ministrit të Jashtëm, Ditmir Bushati. Zyrtari i diplomacisë shqiptare thotë se përpjekjet e BE-së duhet të garojnë me shtysën e Rusisë në një rrethanë të re gjeopolitike.

“Rusia kundërshton zgjerimin e NATO-s në rajon dhe kërkon që të rrëzojë reformat e drejtuara nga BE”, ka thënë Bushati.

Ministri i Jashtëm nënvizon gjithashtu se Perëndimi duhet të ketë kujdes të veçantë për ndërhyrjen e Rusisë në vende si Maqedonia, Mali i Zi dhe Serbia. Gjithashtu akuzon Moskën se është e gatshme të nxisë tensionet nacionaliste në mënyrë që të ngadalësojë rrugën e këtyre vendeve drejt Unionit.

“Nacionalizmi është ushqyer nga palë të treta, Rusia, interesi i të cilëve është destabiliteti sesa stabiliteti. Është një princip i rrezikshëm që ata kërkojnë ta përhapin”,  thekson Bushati në intervistë.

Duke folur për raste konkrete të ndërhyrjes së Kremlinit, ministri jep dhe një rast konkret.

“Edhe në Shqipëri [anëtar i NATO-s], ku menduam se ishim imun ndaj ndërhyrjeve të Rusisë, ekziston një hetim mbi pohimet se kundërshtarët tanë politik morën mbështetje financiare [ruse] në shkelje të legjislacionit tonë”, shprehet Bushati.

Gjithashtu ai nënvizon se anëtarësimi i Shqipërisë në NATO ka ndihmuar në shmangjen e lojërave të pista mes vendeve të vogla./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono