Interi fiton ndeshjen e dytë radhazi pa Icardi-n

13:45 | 18/02/201913:450

Interi arriti një fitore të rëndësishme në Serinë A, në mungesë të Mauro Icardi-t. Skuadra milaneze po kalon krizën e rezultateve dhe po forcon pozitat në zonën Champions.

Ishte prova e dytë pa ish-kapitenin, dhe kaloi gjithashtu mirë. Interi vazhdon të ketë jetë pa Mauro Icardi-n në skuadër, dhe fitorja ndaj Sampdorias në Serinë A shtoi moralin dhe vetëbesimin në një skuadër që kishte shumë nevojë për to. Nuk ishte e lehtë, u triumfua vetëm 2-1 dhe pse u luajt në “San Siro”, por rëndësi kishin tri pikët, sidomos në vijim të fitores ndaj Rapidit të Vjenës në Ligën e Europës.

Icardi, të cilit i është hequr shiriti i kapitenit pak ditë më parë në kulmimin e një krize të brendshme, e ndoqi takimin nga tribuna, në krah të gruas dhe menaxheres së tij, Wanda Narës, duke mos lënë të kuptoheshin emocionet. Danilo D’Ambrosio e Radja Naingolan ishin autorët e golave për zikaltërit, dhe Gabiadini barazoi përkohësisht për Sampdorian.

E gjitha kjo në pjesën e dytë, ndërsa para pushimit Interi nuk bindi.

“Skuadra pati karakter dhe reagoi pas barazimit, po ashtu tregoi karakter sepse e rriti lojën pas pushimit, – ishin fjalët e Spaletit, – sa për Ikardin, do të kisha dashur që ai të kishte qenë në skuadër, jo në tribunë. Për momentin, jemi në pozicion të mirë, por kush e di se çfarë do të ndodhë nesër? Rreziqet mund të jenë të shumta”.

“La Gazetta dello Sport” i jep një ngacmim Icardi-t: “Shiko Maurito, është një rreze drite”, duke bërë lojë fjalësh me emrin e Naingolanit, Raxha, që i afrohet fjalës italiane “rreze”.

Pritet të shihet nëse Ikardi do të largohet apo jo, ndërsa “Il Corriere delo Sport” e përshëndeti një ditë më parë me fjalën “lamtumirë”.

Ky ishte suksesi i dytë radhazi i Interit pa ish-kapitenin, pas atij të së enjtes në Vjenë për Ligën e Europës, me skuadrën që për momentin është pranë objektivave. Mban vendin e tretë në zonën Champions, por një shpresë e ka që të mbërrijë të dytin. Barazimi i Napolit në “San Paolo” ndaj Torinos, i jep shanse zikaltërve, edhe pse ata ndodhen 7 pikë prapa./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono