“I mundi Partizani më i dobët”, lapsusi i Dabullës dhe një porosi

22:56 | 21/10/201922:560

Rezart Dabulla, ish-mbrojtësi i Tiranës, mendon se bardheblutë në letër kanë ekipin më të mirë, por nuk po e tregojnë në fushë. Në emisionin “Pressing” në ABC News ai vlerësoi cilësitë e lojtarë të Tiranës, ndërkohë që u rikthye të fliste edhe për derbin.

“Tirana nuk ka pikët që duhet të kishte. U mund nga Partizani më i dobët i viteve të fundit. U mund edhe nga Kukësi më i dobët i viteve të fundit. Lanë dy pikë skandaloze me Flamurtarin. Janë ekipi më i kompletuar, por duhet ta shfaqin. Nuk mjafton loja e bukur dhe merkatoja. Në letër janë shumë të mirë. Ishte ndeshja më e dobët e Partizanit në derbi, se u shpreha unë gabim më parë”.

“Mema e ka ndryshuar shumë skuadrën. Ndryshohet çdo javë formacione. Vendoset kush janë lojtarët kryesore. Nuk ke pse lëviz kur fiton. Kur ndërrohen më shpesh seç duhet, ç’koordinohen lojtarët. Çdo skuadër e ka një formacion bazë. Nuk i vë faj Ardit, është i të gjithëve.

Duhet ta kishte ndarë mirë kush luan, Ngoo apo Dunga. Janë dy lojtarë ndryshe, që ndryshon mënyrën se si sillet skuadra për të shkuar te zona kundërshtare. Vetëm mbrojtjen e ka ndryshuar disa herë. Kur ndryshon shumë, kryesisht në mbrojtje, nuk mësohen lojtarët me të metat e njëri-tjetrit”.

“Do shpresoja të rrinte Ardi deri në fund. Kam luajtur me të dhe kam shumë respekt. Varet gjithçka nga rezultatet. Duhen 4-5 fitore rresht. Lojtarët e huaj që erdhën vjet ishin anonimë, vetëm menaxherët që i kanë sjellë i njohin. Këta që morën vjet i kemi parë të luajnë këtu”. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono