Basha reagon për Kushtetuesen dhe citon deklaratën e prokurorit italian: Mafiozët shqiptarë lidhje me politikën

19:16 | 15/11/201919:160

Kreu i demokratëve Lulzim Basha në një konferencë për shtyp nga selia blu ka reaguar për çështjen e ngritjes së Gjykatës Kushtetuese.

Basha u shpreh se kjo situatë është një tregues i qartë se Edi Rama dhe qeveria duan të kapin Gjykatën Kushtetuese, pasi kjo gjykatë ka për të vendosur për disa çështje jetike siç është 30 qershori dhe shkarkimi i Presidentit.

Po ashtu Basha i bëri thirrje PS që të heqë dorë sipas tij nga lojrat e rrezikshme.

Rasti i përpjekjes së Edi Ramës për të kapur Gjykatën Kushtetuese, tregon qartë se kush nuk e do reformën në drejtësi. Edi Rama e kishte jetike kapjen e Gjykatës Kushtetuese sepse kjo gjykatë ka për të vendosur për disa çështje jetike siç është 30 qershori. Për interesat e tij personake, po merr peng të ardhmen europiane të Shqipërisë. Duke marrë parasysh se vënia në funksion e Gjykatës Kushtetuese është e rëndësishme, thirrja ime e parë është që PS ti lërë lojrat e rrezikshme. Sot jemi në në një situatë ku prej 3 vitesh vonohen hapat e objektivave të Reformës në Drejtësi’, tha Basha.

Më tej kryedemokrati citoi fjalët e thëna sot nga prokurori i anti mafias në Itali, Federico Cafiero De Raho.

Të gjithë e dimë se kush ka interes për kapjen e reformës por sot na e kujtoi edhe një zotëri i nderuar, Federico Cafiero De Raho, prokurori kombëtar i antimafias në Itali. Fjalët që do lexoj tani nuk janë të miat, por të prokurorit: Mafiozët shqiptarë kanë krijuar lidhje me eksponentë të politikës dhe intersat e tyre po administrohen nga zyrtarë të nivelit të lartë”, u shpreh Basha./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono