Hristov: Erdha te Vllaznia prej Jonuz, do mundohem t’ia shpërblej besimin

17:07 | 17/01/202017:070

Vllaznia njoftoi nënshkrimin me sulmuesin Simeon Hristov, i cili ka thënë edhe fjalët e para si futbollist i kuqebluve.  “Jam shumë i lumtur që jam pjesë e Vllaznisë. Shoh që gjithçka duket mirë në këtë fillim dhe shpresoj që gjërat të shkojnë mbarë”, u shprehet fillimisht sulmuesi.

Hristov flet për ekipin që ka gjetur dhe pranon që pranoi ofertën e Vllaznisë prej trajnerit Mirsad Jonuz. “Kam konstatuar që në skuadër ka lojtarë shumë të mirë. Kushtet janë të mira, po ashtu edhe stafi është i mirë. Me trajnerin Mirsad Jonuz kam një njohje prej vitesh dhe e vlerësoj për vlerat dhe karrierën e tij.

Ai është arsyeja kryesore pse unë jam sot këtu. Ajo çfarë do të mundohem të bëj unë është që t’ia shpërblej këtë besim që ka shfaqur ndaj meje”, shtoi sulmuesi, i cili në Maqedoninë e Veriut në pjesën e parë të këtij sezoni ka qenë pjesë e Borec.

Hristov nuk dëshiron të bëjë premtime të mëdha apo një numër golash. Ai garanton që do të bëjë më të mirën e tij që Vllaznia të fitojë dhe të realizojë objektivat që ka. “Unë premtoj se do të bëj maksimumin për këtë gjë dhe jam i bindur se gjërat do të shkojnë mirë”, përfundon sulmuesi. / abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono