Hong Kong, dhjetëra mijëra në manifestimin e radhës
Hong Kong, 16 giugno 2019 (Anthony Kwan/Getty Images)

19:16 | 18/08/201919:160

Në Hong Kong janë rikthyer protestat paqësore të aktivistëve që kundërshtojnë vartësinë nga Kina. Këtë herë manifestuesit janë distancuar nga aktet e dhunës, të verifikuara së fundmi me zaptimin e aeroportit.

Qindra mijëra qytetarë u bashkuan të dielën në Hong Kong në protestën e radhës kundër qeverisë. Ata sfiduan shiun e dendur në javën e 11-të të manifestimeve, që në ditët e fundit u kthyen të dhunshme, duke përfunduar në përleshje mes demonstruesve dhe policisë.

Nisur nga pjesëmarrja, tubimi i së dielës tregoi se lëvizja qytetare ka ende një mbështetje me bazë të gjerë pavarësisht akteve të fundit, kur aktivistët zaptuan aeroportin. E diela kaloi në qetësi, me manifestuesit që shmangën konfrontimet, por që nuk u treguan të qartë për hapin e tyre të ardhshëm.

Ndërkohë, policia e pajisur me mjete anti-turmë kontrolloi dokumentet e identitetet të disa prej demonstruesve në perëndim të zonës financiare të qytetit, ku kishte një prani të theksuar të forcave të rendit.

Protestat kundër projekt/ligjit që do të lejonte ekstradimin e kriminelëve dhe disidentëve në Kinë nisën në Qershor, por shumë shpejt ato u ushqyen nga shqetësimi për humbjen e autonomisë së qytetit, që garantohet në bazë të formulës “një vend, dy sisteme”, e aplikuar që kur Hong Kongu iu kthye Kinës nga Britania në vitin 1997.

Të dielën, protestuesit mbajtën pllakate me shkrime “Çlironi Hong Kongun” dhe “Duam demokraci”. Turma e mbledhur në parkun Viktoria, ku manifestimi nisi, vijoi në mënyrë paqësore në prani jo vetëm të të rinjve, por edhe të rriturve dhe të moshuarve.

/ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono