Hetimet për helmimin masiv në Bulqizë, dyshimet edhe për furrat e bukës

14:10 | 07/05/201914:100

Policia dhe Prokuroria kanë ngritur dyshime jo vetëm për ujin e pijshëm lidhur me helmimin masiv të banorëve të Bulqizës. Po bëhen hetimet edhe për furrat e bukës dhe produktet ushqimore që tregtohen në zonën ku u sëmuren njerëzit.

Helmimi i më shumë se 100 njerëzve në lagjen e sipërme të Bulqizës ka vënë në lëvizje policinë dhe prokurorinë. Ekspertë të fushës kanë marrë në pyetje të sëmurët jo vetëm për ujin e pijshëm, por edhe për ushqimet që kanë konsmuar.

Në hetim janë përfshirë furra buke dhe marketet e produkteve ushqimore. Disa tregtarë janë marrë në pyetje dhe iu është bërë kontroll në bizneset e tyre.

Deri tani nuk ka ndonjë shkak apo shkaktar të helmimit masiv pasi sipas burimeve nga grupi hetimor, priten një sërë analizash dhe provash për të përcaktuar saktë çfarë ndodhi dhe nga se ka ndodhur në Bulqizë.

Ndërkohë në spitalin e Bulqizës nuk ka patur me shtrime apo persona që kërkojnë ndihmë mjekësore.

Shumë nga të helmuarit janë përmirësuar, por ka raste që vazhdojnë të kenë probleme me shëndetin.

Alarmi u dha mbrëmjen e së shtunës së kaluar, kur fluksi i banorëve përfundoi në urgjencën e spitalit.

Ky fuks zgjati më shumë se 24 orë dhe popullata ndërpreu konsumimi e ujit të pijshëm nga rrjeti.

Po ashtu banorët kanë dëshmuar se edhe ushqimet nuk i kanë blerë më në lagjet e tyre. Ata janë të frikësuar dhe presin të mësojnë me çfarë u helmuan. /ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono