Helmimi me agjent nervor, ish-spiuni rus lë spitalin


14:37 | 18/05/2018

Ish-spiuni rus, Sergej Skripal, i helmuar me agjent nervor ka lënë spitalin në Britaninë e Madhe. Megjithatë, ai dhe e bija kanë akoma nevojë për trajtim mjekësor.

Sergej Skripal, ish-spiuni rus i helmuar me një agjent nervor në Salisbury, ka lënë spitalin. Kjo është bërë e ditur nga autoritetet shëndetësore britanike. Dalja nga spitali vjen pas një përmirësimi të gjendjes shëndetësore të njoftuar në javën e fundit, pasi fillimisht u raportua për dëmtime të pariparueshme.

Vetë insititucioni shëndetësor, ku ishte i shtruar theksoi me anë të një komunikate se Skripal, ashtu si e bija Julia, e cila ka lënë spitalin prej disa kohëve, do të kenë nevojë për kurime shtesë.

“Sergej SKriapl ndihet mjaftueshëm mirë për të lënë spitalin në Salisbury”, tha drejtoresha e spitalit.

Helmimi i ish-spiunit rus dhe të bijës kanë shkaktuar një krizë diplomatike mes Londrës dhe aleatëve të saj Perëndimorë me Rusinë, që akuzohet se është përgjegjëse për sulmin. 66-vjeçari u gjet pa ndjenja bashkë me të bijën në një pankinë me 4 Mars. Për shkak të këtij sulmi, Britania, SHBA dhe shumë shtete të tjera dëbuan diplomatë rusë. Gjithashtu edhe Kremlini u përgjigj me të njëjtën mënyrë./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono