Helmimi i qytetarëve në Bulqizë, ISHP: Mos e konsumoni ujin

15:20 | 06/05/201915:200

Banorët e Bulqizës janë helmuar nga uji i rrjetit dhe autoritetet e shëndetit u kërkojnë atyre të mos e konsumojnë. Ndërkohë më shume se 100 banorë kanë kërkuar ndihmë në spital.

Instituti i Shëndetit Publik i bën thirrje banorëve të Bulqizës të mos konsumojnë ujë nga rrjeti pasi ai mund të jetë i kontaminuar.

Përgjigjet e analizave të personave të helmuar ende nuk kanë dalë, por dyshimet e specialistëve bien mbi ujin.

Rovena Daja epidemiologe E ISHP: “Kjo rritje shumë e lartë e numrit të rasteve për një periudhë  të shkurtër kohe tregon q ndoshta kemi si shkaktar ujin. Duhet të themi që lagjja e vjetër e Bulqizës konsumon kryesisht ujin e rrjetit. Uji është e vetmja gjë e përbashkët që i lidh ata. Mendojmë se ai mund të jetë shkaktari i mundshëm i këtij shpërthimi. Ne për momentin i kemi udhëzuar që uji të mos konsumohet në mënyrë që të mos kemi raste të reja”.  

Edhe për mjekët e spitalit te Bulqizës nuk ka asnjë dyshim. Pas më shumë se 100 raste që kanë kërkuar ndihmë mjekësore, ata janë të bindur që helmimi ka ardhur nga uji i pijshëm.

Riza Ceni mjek, Bulqizë: “Helmimi ka ardhur nga uji”.

Por në analizat e bëra në laboratorin e Dibrës nuk ka ndotje biologjike. Mendohet që është diçka më e rende sesa thjesht një obolë.

Në Bulqizë situata nuk është aspak e mirë. Ka nga ata banorë që nuk pranojnë të shkojnë në spital dhe pse kanë shqetësime.

Alarmi për helmimin e popullatës u dha te shtunën në mbrëmje. Të gjithë banorët e lagjes së sipërme të qytetit, ose njohur ndryshe si qyteti i vjetër i Bulqizës, u helmuan.  Fëmijë dhe të rritur njeri pas tjetrit përfunduan në urgjencë me dhimbje barku, të vjella e këputje.

Ka dyshime ende jozyrtare, që uji të jetë infektuar nga gazrat e çliruar gjate shpërthimeve me tritol në galeritë e kromit. Megjithatë priten përgjigjet përfundimtare të analizave për të parë çfarë ka ndodhur në Bulqizë. Nga ana tjetër në qytet shpërndahen fletushka ku u bëhet thirrje banorëve të mos përdorin ujin e ujësjellësit por i kërkojnë bashkisë t’i furnizojë me autobote./ABC News Albania 24/7  

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono