Haradinaj thirrje Vuçiç: Njih Kosovën, gati të pajtohemi me Serbinë

13:00 | 12/06/2019

Kryeministri Ramush Haradinaj është shprehur se Kosova është e gatshme të pajtohet me Sebinë. Ai i ka bërë thirrje popullit të Serbisë për pajtim, ndërsa një apel e ka pasur për kreun e shtetit të tyre. Haradinaj i kërkon Vuçiç që të njohë Kosovën si shtet të pavarur brenda kufijve të saj.

“Paqen e bëjnë të guximshmit dhe ne guxojmë me u pajtuar me Serbinë. Populli ynë guxon me u pajtuar me Serbinë. I bëjmë thirrje popullit të Serbisë edhe Presidentit Vuçiç që ta njohë Kosovën si të pavarur në kufijtë e vet në mënyrë që ne që qeverisim të punojmë më shumë.  Të fokusohemi tek vendet e punë për qytetarët tanë, në mundësinë për jetë, në qeverisjen më të mirë , në luftimin e korrupsionit dhe në forcimin e rendit dhe ligjit në mënyre që brezave të tjerë tu lëmi liri. Tu lëmë respektin dhe jo luftën për territore dhe kufij. Kosova është e gatshme me u pajtuar dhe si e tillë i bën thirrje Serbisë për pajtim”, tha Haradinaj gjatë 20-vjetorit të çlirimit të Kosovës. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono