Haradinaj reagon ndaj Ramës: Është vëllai im, por të vërtetën do ta them

20:09 | 09/05/2019

Me tone të buta, kryeministri Ramush Haradinaj ka reaguar sërish ndaj homologut Edi Rama. Edhe pse e ka quajtur vëlla, Haradinaj u shpreh se të vërtetën do ta thotë gjithmonë. Ndërkohë, ai vlerësoi edhe kalimin e patronazhit të dialogut, nga BE tek Gjermania dhe Franca.

Duke e quajtur vëlla, kryeministri i Kosovës Ramush Haradinaj i është  kundërpërgjigjur kryeministrit të Shqipërisë Edi Rama. Pas homazheve që bëri tek varri i heroit Ilir Konushevci dhe ai i Hazir Malajt, ai tha se respekton institucionin e homologut të tij shqiptar.

Kryeministri i Shqipërisë është institucion, për të cilin unë kam shumë respekt. Kryeministri Edi Rama është vëlla i imi, ashtu sikurse janë krejt shqiptarët kudo që janë. Të vërtetën do ta them pa marrë parasysh kujt i pëlqen ose jo. Unë kam thënë të vërtetën për samitin e Berlinit”, tha Haradinaj.

Ndërsa duke iu përgjigjur pyetjes së gazetarëve për deklaratat e Mogherinit, ku ajo ka përjashtuar veten nga çdo plan, Haradinaj ka thënë se lajm i mirë është që tashmë procesi është bartur nga Gjermania dhe Franca.

Ndërsa për pjesëmarrjen e liderit të serbëve të Bosnjës, Milorad Dodik në Samitin e Tiranës, Hardinaj ka thënë se ai është njeri i Putinit.

Sinkron Ramush Haradinaj, kryeministër i Kosovës:

“Shqipëria ka pritur presidentët e gjithë shteteve. Nuk dua të komentoj, por nëse duhet të them si e shohim në Kosovë, ai është njeriu i Putinit”, deklaroi Haradinaj.

Kryeministri Haradinaj tha dje se, katërshja Mogherini, Thaci, Vuçiç e Rama kanë biseduar për ndarjen e Kosovës, për çka pati dhe reagime./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono