Haradinaj reagon ndaj Mogherinit

11:03 | 13/03/2019

Kryeministri i Kosovës Ramush Haradinaj reagoi ndaj deklaratave të përfaqësueses së lartë të Bashkimit Evropian për Politikën e Jashtme dhe Sigurinë, Federica Mogherini, e cila apeloi sërish për heqjen e taksës për produktet serbe.

Kryeministri i Kosovës, Ramush Haradinaj, i ka thënë përfaqësuese së Lartë të BE-së, Federica Mogherinit, se dialogu ka ngecur shumë kohë para se të vendosej taksa ndaj mallrave serbe. Sipas tij, procesi i dialogut nuk duhet të ndërlidhet me taksën.

“Dialogu kishte ngecur shumë kohë para se të vendosej taksa. Mungesa e transparencës, inkurajimi për shkëmbim territoresh dhe dështimi për të zbatuar marrëveshjet ekzistuese, këto janë arsyet. Dialogu mund dhe duhet të vazhdojë pa e ndërlidhur atë me taksën”, ka shkruar Haradinaj në Twitter.

Mogherini tha dje në New York se dialogu mund të vazhdojë vetëm duke e anuluar vendimin për vendosje të taksës ndaj mallrave serbe. Heqjen e taksës e ka kërkuar edhe drejtori për çështje politike në ministrinë e Jashtme të Mbretërisë së Bashkuar, Richard Moore. Ai ka zhvilluar takime të ndara me kryeministrin e vendit Ramush Haradinaj dhe delegacionin shtetëror të Kosovës.

Serbia nuk po pranon të vazhdojë dialogu pa u hequr taksa ndaj produkteve serbe. Presidenti i  Serbisë, Aleksandër Vuçiç listës së  pengesave për vazhdimin e dialogut ia ka shtuar edhe platformën për dialog me Serbinë që Kuvendi i Kosovës e ka miratuar javën e kaluar./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono