Hamdi Salihi vlerëson taktikisht Partizanin

12:30 | 11/07/2019

Hamdi Salihi vlerëson lart taktikisht ndeshjen e Partizanit në Ligën e Kampionëve. Ish-sulmuesi shkodran, sot zv.trajner i kombëtares, mendon se mund të arrihet sukses në Azerbajxhan.

Ndoshta do të kishte dashur të kishte qenë në fushë. Partizanin ndaj Karabakut e ndoqi në stadium edhe zv. trajneri i ri i kombëtares, Hamdi Salihi, një ish-sulmues goli, që vlerësoi lart përgatitjen nën trajnerin Franko Lerda.

“Interpretuam mirë për anën taktikitsht nga ana e lojtarëve që nuk rrezikuan rezultatin dhe bënë atë që trajneri i kishte udhëzuar me i kap me kundërsulme. Arritën dy herë nuk ishin me fat, njëherë dhe shtylla. Mendoj se rezultati më i drejtë ishte 0-0”.

A mendon Salihi se skuadra shqiptare mund ta kalojë turin?

“Ky është një rezultat që e lë të hapur për ndeshjen e dytë. Besoj që të vendosen mirë dhe ndeshjen e dytë kështu si sot, të shfrytëzojnë kundërsulmet. Duke ditur kundërshtairn e prisja që do ishte ndeshje e vështirë”.

Në stadium ai ishte si zv. trajner i kombëtares, si ndihet me këtë pozicion?

“Është diçka e re.  E kam me shumë pasion, po mësoj, të jem afër trajnerit, të jap ndihmën time që edhe ai të jetë i informuar dhe afër lojtarëve”. /ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono