Hahn: “Peshqit e mëdhenj” para drejtësisë ose ndërpresim negociatat me Shqipërinë


13:35 | 16/05/2018

Në një intervistë për gjermanen “Stuttgarter-zeitung” komisioneri për Zgjerim në Bashkimin europian, Johanes Hahn, u shpreh qartë se nëse “peshqit e mëdhenj” nuk vihen para drejtësisë atëherë do të ndërpriten negociatat me Shqipërinë.

Një ditë para fillimit të samitit të Bashkimit Europian dhe vendet e Ballkanit Perëndimor, komisioneri për Zgjerim, Johanes Hahn, në një intervistë për gjermanen “Stuttgarter – zeitung” u shpreh qartë përsa i përket negociatave me Shqipërinë.

Hahn theksoi se mund të tolerohej deri diku gjendja e pakënaqshme e sistemeve ligjore në Shqipëri dhe Maqedoni. Por nëse nuk do të ketë progres në zbatimin e ligjit dhe në vendosjen para drejtësisë të peshqëve të mëdhenj, atëherë negociatat me Shqipërinë do të ndërpriteshin.

Ai shtoi se e kuptonte skepticizmin, dhe gjithashtu pranonte se nuk mendonte se Shqipëria dhe ish-Republika Jugosllave e Maqedonisë janë tashmë të gatshme për pranim. Megjithatë, reformat e nevojshme mund të arrihen më së miri gjatë procesit të pranimit, theksoi Hahn. Gjithsesi komisioneri i BE-së, Johannes Hahn, bëri thirrje për një perspektivë të qartë të pranimit për gjashtë vendet në Ballkan.

Sipas tij, Bashkimi Europian ka dy zgjidhje ose të eksportojë stabilitet ose të importojë paqëndrueshmëri. Hahn tha se besueshmëria e Bashkimit Europian është në rrezik në këtë samit të parë të Ballkanit Perëndimor, në 15 vjet. Rajonit i është premtuar për një kohë të gjatë për një të ardhme evropiane, por ajo është zbatuar vetëm pjesërisht.

Duke folur dhe për Kosovën si shembull i konflikteve të brendshme mes vendeve në Ballkan, komisioneri për zgjerim tha se si një reagim i menjëhershëm ndaj botimit të Strategjisë së re të Ballkanit Perëndimor në Shkurt, u pa se për shembull, kosovarët papritmas ishin në gjendje të zgjidhnin çështjen e tyre dypalëshe të kufirit me Malin e Zi. Është bërë shumë të qartë, vijoi ai se një vend mund të bashkohet vetëm nëse zgjidh të gjitha konfliktet e hapura me fqinjët./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono