Grindja vijon dhe pas G7-s: Gjermania të paguajë më shumë në NATO

13:19 | 11/06/2018

Presidenti amerikan, Donald Trump, ka sulmuar përsëri Gjermaninë, duke vijuar kështu përplasjet e ashpra edhe pas samitit të G7-s. Kreu i Shtëpisë së Bardhë kërkon që Berlini të paguajë më shumë për NATO-n.

Beteja e Donald Trump kundër Gjermanisë vijon edhe pas G7-ës. Presidenti amerikan lëshon një anatemë të re:

“Gjermania paguan shumë ngadalë 1% të Prodhimit të Brendshëm Bruto në NATO, ndërsa ne paguajmë 4% të një Prodhimi të Brendshëm Bruto më të madh. Dikush beson se kjo ka kuptim?”, pyet kreu i Shtëpisë së Bardhë në Twitter.

“Ne mbrojmë Europën që mbrohet mirë në humbjet e mëdha financiare, e më pas goditemi padrejtësisht në tregti. Ndryshimi po vjen!”, paralajmëron Trump.

“Shtetet e Bashkuara paguajnë thuajse të gjithë koston e NATO-s, duke mbrojtur shumë nga vendet e njëjta që na vjedhin në tregti”, shkruan presidenti amerikan nga Singapori, duke theksuar se BE duhet të paguajë më shumë për çështjen ushtarake. Konkluzioni i Trump është se nuk mund të lejojë që miqtë apo armiqtë e SHBA të përfitojnë në aspektin e tregtisë.

Ndërkohë, CNN ka mësuar se në takimin e Trump me Macron në Prill, kreu i Shtëpisë së Bardhë i është ankuar presidentit francez lidhur me Berlinin.

“Europa është më keq se Kina”, është shprehur Trump, duke sulmuar veçanërisht Gjermaninë.

Ai madje ka hipotezuar bllokimin e hyrjes së makinave gjermane në SHBA.

“Ne jemi të gatshëm të flasim për pabarazitë në peshë në tregti. Por kjo nuk mund të ndodhë në formën e një konfrontimi”.

Ky është mesazhi i ministrit gjerman të ekonomisë Peter Altmaier mbi konfliktin tregtar midis BE-së dhe SHBA-ve. Altmaier pranoi se për evropianët dhe partnerët e tyre është shënuar një hap prapa, në vend të progresit, tek G7.

“Është e rëndësishme për evropianët të veprojnë së bashku”, shtoi ai, duke pohuar se përplasja aktuale duhet të tejkalohet.

Zyrtari i qeverisë Merkel nënvizoi se Gjermania është në dispozicion vetëm për marrëveshje besnike./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono