Griezman: Nuk jam edhe aq keq, Barcelona është ndryshe!

23:34 | 24/09/201923:340

Antoine Griezmann shënoi golin e parë në triumfin e Barcelonës kundër Villareal. Sulmuesi francez ishte i pozicionuar në krahun e majtë të ofensivës dhe pranon se ka shumë ndryshime nga Atletico e Madridit te katalanasit.

“Është ndryshe, është një futboll tjetër dhe unë po luaj në një pozicion tjetër. E dija që do të më kushtonte, por do të përmirësohem në çdo ndeshje”, është shprehur Griezmann pas ndeshjes, ndërkohë që thekson se nuk e ka nisur keq.

“Nuk jam aq keq. Kam shënuar tre gola deri më tani. Punoj për ekipin dhe golat e asistet vijnë, atëherë më mirë”, deklaron francezi. Griezmann ka analizuar edhe ndeshjen, teksa vë në dukje mungesën e finalizimit.

“Patëm disa raste të mira shënimi dhe dështuan të finalizonim. Gjithsesi do të ecim përpara. Mund të bëjmë më mirë dhe për këtë duhet të vazhdojmë të punojmë. Ka gjëra të reja këtu dhe duhet të përshtatem. Shumë prej nesh sapo kanë mbërritur këtu dhe përpiqemi të bëjmë më të mirën në grup dhe në fushë. Nuk jemi akoma në maksimumin tonë, por me kalimin e kohës do të jemi më mirë”, është shprehur ylli i Barcelonës. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono