Greqi, lirohet nga burgu biznesmeni Edmond Bego

12:11 | 22/08/201812:110

Biznesmeni shqiptar Edmond Bego është liruar nga burgu në Greqi, ku ishte arrestuar në 18 gusht, teksa kthehej nga pushimet në Korfuz. Lajmi është konfirmuar nga avokati i tij Ardian Leka, që u shpreh se Bego nuk është person në kërkim policor. Sipas një dokumenti të Interpol Romës, që mban datën 21 gusht 2018 dhe që u është dërguar autoriteteve greke bëhet e ditur se për Edmond Begon nuk ka asnjë urdhër arresti, të lëshuar nga shteti Italian. Sipas këtij dokumenti, rezulton të mos ketë asnjë çështje të hapur në Itali.

Biznesmeni shqiptar u arrestua në Greqi me argumentin se ishte në kërkim nga drejtësia italiane, pasi ishte dënuar me vendim të formës së prerë për trafik narkotikësh.

Gjykata greke dha të hënën masën e sigurise “arrest me burg” për Begon, deri në mbërritjen e dosjes nga Italia për ekstradim. Por pas sqarimit të kësaj situate 48 vjeçari Edmond Bego është lënë i lirë.

Pas arrestimit të tij opozita akuzoi qeverinë dhe kreun e grupit parlamentar të LSI-së Taulant Balla se i kishte siguruar mbrojtje politike dhe se kishte lidhje me të.

Ndërsa një ditë më parë Balla, pranoi se e njihte familjarisht Begon, por mohoi se i kishin siguruar mbrojtje biznesmenit që vuajti 4 vjet burg në Shqipëri për akuzat e ngritura nga shteti italian./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono