Greqi, 20 të inkriminuar për zjarret e Korrikut 2018

23:45 | 05/03/201923:450

Prokuroria greke ka inkriminuar 20 persona për “neglizhencë” dhe “vrasje me paramendim” në kuadër të hetimeve mbi zjarret që përfshinë zonën e Matit korrikun e vitit të kaluar.

Mes personave të inkriminuar spikasin guvernatorja e rajonit të Atikës, dy kryetarë bashkie, ish-sekretari i përgjithshëm i Mbrojtjes Civile, si dhe ish-kreu i repartit të zjarrfikësve dhe zëvendësi i tij.

Të gjithë të inkriminuarit rrezikojnë deri në 5 vjet burg. Zjarret e Korrikut 2018 në Greqi u morën jetën të paktën 100 personave. Ato shënuan rastin e dytë më fatal të ndodhur nga zjarret në shekullin e 21-të, pas atij të vitit 2009 në Australi që vrau 180 vetë.

Flakët ishin aq intensive saqë dogjën njerëzit brenda në shtëpitë e tyre, në automjete dhe madje fare pak metra larg plazheve. Gjithashtu, ato shkatërruan mijëra banesa dhe makina.

Situata e rëndë detyroi autoritetet greke të evakuonin 700 persona, si dhe të angazhonin mbi 250 makina zjarrfikëse dhe 600 efektivë. Kryeministri Aleksis Tsipras shpalli tre ditë zie dhe e cilësoi ngjarjen një tragjedi të papërshkrueshme./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono