Greg Rama me “Besim” rikthehet në Akademinë e Arteve , çel ekspozitën e parë

17:54 | 13/09/2018

Djali i Kryeministrit Greg Rama, i diplomuar pak vite më parë në Universitetin e Arteve rikthehet në këto ambjente me ekspozitën e parë personale “Fidem” (Besim) kuruar nga profesori i tij Vladimir Myrtezai. Greg Rama në çelje të ekspozitës tha se qëllimi i artistit është zbulimi i artit dhe fshehja e artistit. 

Zbulimi i artit dhe fshehja e artistit , ky është qëllimi kryesor i artit. Me këto fjale  nis shpjegimin e punës së tij Greg Rama, i cili ashtu siç instalacioni me shigjeta edhe ai i ka drejtuar shigjetat në dimensione të ndryshme me fjalët e tij që në një farë mënyrë zbërthen punën e tij, prezantuar në FAB.

Simboli dhe sipërfaqja , për artistinj janë thikë me  dy presa, secila ka brenda riskun e suksesit dhe dështimit. Dekodimi i tyre në formë që zgjon debat, diskutimi rreth veprës, mbetet qëllim i duhur sipas konceptit të Greg Ramës.

Përmes lojës me hapësirën në intsalacionin e tij, Greg Rama ndërton një ekuilibër mes konceptit dhe trupëzimit të një energjie që e identifikon duke i hequr gravitetin arkitektonik mediumit, duke përdorur po aq edhe një lloj transfigurimi thjeshtëzues drejt trajtave elementare e paraprake.

Ekspozita do të qëndrojë hapur deri në datë 30 shtator në galerinë FAB. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono