Grabitje me armë në Tiranë

17:57 | 06/08/201917:570

I maskuar, me veshje pune dhe me një kapele në kokë autori i grabitjes u largua me vrap nga vendngjarja.

Këto janë efektivët e policisë së komisariatit nr.3, të cilët sekuestruan serverët e kamerave të sigurisë së zonës ku ndodhi grabitja me armë. Sipas policisë së kryeqytetit, ngjarja ndodhi në një zyrë që i përket një institucioni financiar për kredidhënie në shuma të vogla.

Në momentin e grabitjes në zyrë kanë qenë dy punonjës, të cilët po kryenin edhe bilancin e punës për ditën e martë. Policia ende nuk ka bërë të ditur sasinë e parave të grabitura, ndërsa po merr dëshmitë e punonjësve të zyrës së mikrokredisë.

Në ndjekje të autorit janë vënë shërbimet e Policisë “Shqiponjat”, Patrulla e Përgjithshme dhe Forca e Posaçme Operacionale e Drejtorisë së Policisë Tiranë. Policia ka sekuestruar kamerat e sigurisë në zonë për të bërë të mundur identifikimin e autorit./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono