Grabitja në Rinas, gjykata urdhëron t’i merret kampioni biologjik Oltion Veselit

18:13 | 21/11/201918:130

Gjykata e Krimeve të Rënda urdhëroi marrjen me detyrim të kampionit biologjik për Oltion Veselin, i dyshuar për grabitjen e 6 milionë eurove në Rinas në prill të këtij viti. Veseli kishte refuzuar ta jepte kampionin e ADN-së me argumentin se i është marrë një herë.

Oltin Veseli, njëri prej të arrestuarve për grabitjen e rreth 6 milionë eurove në Aeroportin e Rinasit kishte refuzuar disa herë që të jepte kampionin biologjik për të ndërtuar profilin e ADN-së. Për këtë arsye, Gjykata e Krimeve të Rënda të enjten ka urdhëruar marrjen me detyrim të kampionit biologjik të Veselit.

Ai e kishte refuzuar një gjë të tillë me argumentin se kampioni i është marrë një herë nga policia. Gjithashtu, togat e zeza kanë rrezuar ankimin e Oltion Veselit dhe Elton Piklit për zgjatjen e afateve hetimore me 3 muaj nga prokuroria për krime te renda. Ndërkaq ,Gjykata ka vendosur te lere ne burg 6 personat e arresuar per grabitjen e parave në Rinas. Disa ditë me parë polica gjeti dy shuma të tjera parash që dyshohet se i përkasin grabitjes së Rinasit. Shuma prej 5 mijë eurosh i është gjetur Elton Piklit, i cili është një prej të arrestuarve si autor i dyshuar i grabitjes.

Një shumë tjetër i është gjetur babait të Renaldo Sulës, edhe ky i arrestuar për grabitjen. Paratë e gjetura kanë rezultuar se i përkasin një prej bankave të nivelit të dytë. Ngjarja ndodhi më 9 prill 2019 në Aeroportin e Rinasit, ku u grabitën rreth 6 milionë euro të cilat do të transportoheshin jashtë vendit. Gjatë shkëmbimit të zjarrit me policinë mbeti i vrarë Admir Murataj, i cili pretendohej se ishte edhe koka e bandës. Ndërkohë të arrestuar janë gjashtë persona, ndërsa në kërkim janë tre të tjerë. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono