Gomonia me drogë në grykëderdhjen e Vjosës, arrestohen 2 trafikantët

11:05 | 23/01/2019

Një ditë pas bllokimit të një gomoneje me mbi 500 kg drogë në grykëderdhjen e Vjosës policia e Fierit në bashkëpunim me prokurorinë e krimeve të rënda ka ndaluar dy trafikantët e lëndës narkotike, 39 dhe 33 vjeç.

Dy persona të cilët dyshohet se janë poseduesit e drogës që u kap të martën në mëngjes në grykëderdhjen e Vjosës kanë përfunduar në pranga. Policia e Fierit në bashkëpunim me prokurorinë e Krimeve të Rënda dhe policinë lokale të Fierit, Vlorës dhe Elbasanit kanë arrestuar dy trafikantët e lëndës narkotike.

39 vjeçari me inicialet A.A dhe 33 vjeçari me inicialet E.Xh dyshohet se do ta trafikonin drejt Italisë mbi 500 kg kanabis sativa. Transporti i drogës u ndërpre gjatë kohës që ndodheshin në det, pasi u pikasën nga policia kufitare e Vlorës dhe Guardia Di Finanza.

Pas ndjekjes policore dy personat që ndodheshin në gomone braktisën mjetin lundrues pranë fshatit Bishan dhe u larguan në errësirë në drejtim të pyllit.

Droga ndodhet në komisariatin e Fierit. Burime nga aty i thanë ABC News se sasia e drogës arrin mbi 500 kg, por ende nuk ka një njoftim zyrtar për peshën e saktë të lëndës narkotike.

Mjeti lundrues dhe dy automjetet e sekuestruara të cilat ishin pa targë janë në Zvërnec. Hetimet tashmë janë duke vijuar dhe dyshohet se në këtë trafik droge janë të përfshirë edhe persona të tjerë . Mendohet se gomonia është transportuar me një zetor me karel drejt grykëderdhjes së Vjosës. Nga aty do të lundronte drejt Italisë bashkë me sasinë e madhe të drogës./abcnews.al

Gazetar i ABC News Vlorë: Enton Nika 



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono