Gomari përpara Kryeministrisë, simbolikat e protestës (Video)

20:37 | 08/07/2019

Ashtu siç ishte paralajmëruar, mbështetësit e opozitës nisën protestën e tyre para Kryeministrisë rreth orës 20:00. Siç edhe ka ndodhur në protestat e kaluara, ajo është shoqëruar nga simbolika nga ana e tubuesve.

Ndryshe nga herët e tjera, protestuesit përpara godinës së qeverisë sollën edhe një gomar. Në kurriz, ata i kishin vënë një poster ku shkruhej “PS 30”. Ndërkohë gjithashtu, përpara Kryeministrisë, ata sollën edhe një kuti të madhe votimi, ku qytetarët hodhën fletët e tyre të votimit në të cilat shkruhej “Rama ik”.

Një tjetër simbolikë ishte edhe ajo e shqiponjës ku shkruhej 85%. Sipas opozitës, 85% e shqiptarëve bojkotuan Edi Ramën pasi nuk morën pjesë në zgjedhjet e 30 Qershorit.

Protesta e kësaj të hëne është e para pas zgjedhjeve lokale të 30 Qershorit. Basha ka ftuar vazhdimisht gjatë këtyre ditëve shqiptarët që të bëhen pjesë e këtij tubimi. Në protestën e sotme do të ketë një fjalë të Bashës, më pas protestuesit do të zhvendosen para parlamentit dhe në fund kryedemokrati pritet të mbyllë protestën me një fjalë nga selia e PD. Për mbarëvajtjen e protestës janë angazhuar rreth 1200 forca policie./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono