Goditet grupi i bandave kriminale, vidhnin sende arkeologjike, arrestohen 23 persona

19:03 | 19/11/201919:030

Policia europiane ka goditur një bandë kriminale ndërkombëtare të specializuar në vjedhjen dhe trafikimin e sendeve me vlera arkeologjike. Banda kriminale gërmonte për sende të çmuara të periudhës antike greke dhe romake. Vlera e sendeve të konfiskuara prej tyre arrin në miliona euro.

Mësohet se pjesë e grupit ndërkombëtar të vjedhjes ishin 23 persona nga 5 shtetet e Europës. Policia njofton se operacioni u shtri në Itali, Francë, Britani, Gjermani dhe Serbi. Grupi i bandës drejtohej nga dy qytetarë Kalabrezë, të cilët kishin rënë në gjurmët e policisë dhe që prej vitit 2017 përgjoheshin..

Vendet e paeksploruara nga arkeologët, ishin synimi i grupit, kryesisht zona që datonin nga shekulli i 4-t dhe 5-të para erës së re.

“Për gërmimin klandestin të vendeve arkeologjike përdoreshin edhe ekskavatorë. Pjesa e gërryer brutalisht më pas analizohej me detektorë metalesh,” njoftoi policia italiane.

Sendet me vlera historike dhe artistike si vazot prej qeramike, llambat me vaj, pjatat e vizatuara dhe argjendurina të tjera tregtoheshin më pas nëpërmjet sekserëve në Londër, Mynih, apo në qytetin e Vërshacit në Serbi./abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono