Gjykata Europiane dënon Shqipërine se nuk ka psikiatri për të denuarit: 15 mijë euro dëmshperblim personit që plagosi mjekun në 2008

16:00 | 21/01/202016:000

Gjykata Europiane për të Drejtat e Njeriut vendosi që Shqipëria t’i paguajë 15,000 euro (EUR) në lidhje me dëmin jopasuror dhe 2.500 EUR në lidhje me shpenzimet, Arben Strazimirit, i cili në vend që të dërgohej në një institucion shëndetsor për të sëmurët me probleme mendore, është dërguar në burg. Ky aktgjykim i Dhomës nuk është përfundimtar dhe mund të apelohet në Dhomën e Lartë të Gjykatës Evropiane për të Drejtat e Njeriut.

Rasti Strazimiri kundër Shqipërisë  kishte të bënte me ndalimin e një personi që ishte liruar nga përgjegjësia penale për shkak të sëmundjes mendore, por ishte dërguar në burg dhe jo në një institucion mjekësor. Gjykata Evropiane e të Drejtave të Njeriut ka arritur në përfundimin se ndaj tij kishte pasur ndalim dhe trajtim çnjerëzor ose degradues, për shkak të kushteve joadekuate të jetesës në burg spitali ku Strazimiri u mbajt në paraburgim dhe ku kishte kujdes të pamjaftueshëm psikiatrik.

Gjykata Evropiane konkludoi se autoritetet shqiptare kishin dështuar për të krijuar një institucion të veçantë mjekësor për të sëmurët mendorë të cilët ishin privuar nga liria dhe gjykata kishte vendosur që të merrnin trajtim të detyrueshëm. Gjykata Evropiane tha se kjo ishte në kundërshtim me detyrimet e saj ligjore të brendshme dhe tregoi se ka një problem strukturor. Gjykata theksoi se autoritetet shqiptare duhej të krijonin një institucion të përshtatshëm për ata që gjenden në situatën e tij.  Arben Strazimiri, është një shtetas shqiptar, i lindur në 1973 dhe ishte ndaluar që nga viti 2011 në Spitalin e Burgjeve në Tiranë.

Ai ishte arrestuar në vitin 2008 për tentativë vrasjeje me paramendim, por Gjykata e Rrethit Gjyqësor Tiranë konkludoi se ai nuk mund të mbahej përgjegjës penalisht për veprimet e tij për shkak të skizofrenisë paranojake dhe urdhëroi trajtim të detyrueshëm spitalor në një institucion mjekësor.

Ai u dërgua së pari në burgun e Krujës në vitin 2009 dhe më pas u transferua në Spitalin e Burgjeve të Tiranës në vitin 2011.  Gjykata vuri në dukje raportet ndërmjet 2015 dhe 2019 nga Zyra e Avokatit të Popullit (Avokati i Popullit) dhe Komitetit Evropian për Parandalimin e Torturës dhe Trajtimit ose Dënimit cnjerëzor ose Degradues që kishin arritur në përfundimin se Spitali i Burgjeve në Tiranë ishte në gjendje shkatërruese, me lagështirë të përhapur dhe praktikisht pa ngrohje qendrore.

Të paktën që prej vitit 2014, shumë pacientë psikiatrikë si Strazimiri ishin në gjendje të “Braktisjes terapeutike” ndërkohë që është vetëm një psikiatër për 84 pacientë në Spitalin e Burgjeve të Tiranës. Gjykata vlerësoi se privimi i lirisë së Strazimirit nuk ishte i ligjshëm dje se legjislacioni shqiptar nuk parashikonte të drejtën e kompensimit për ndalimin e paligjshëm të individëve në situatën specifike të Strazimirit. As qeveria nuk kishte parashtruar ndonjë praktikë gjyqësore të brendshme për të dëshmuar të kundërtën./abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono