Gjykata e Tiranës liron Klevis Balliun

14:17 | 09/05/201914:170

Gjykata e Tiranës liroi ish-deputetin Klevis Balliu dhe tre të ndaluarit e tjerë që u prangosën pas protestës tek “Unaza e Re”. Prokuroria kishte kërkuar masën “arrest shtëpie” për Balliun, por trupa gjykuese vendosi “detyrim paraqitjeje”.

Lirohet nga Gjykata e Tiranës ish-deputeti i Partisë Demokratike Klevis Balli, i cili u prangos të martën nga Policia e Tiranës, për kundërshtim të forcave të rendit dhe bllokim të qarkullimit të automjeteve.

I njëjti vendim, “detyrim paraqitje” u dha edhe për Seit Hajdarasi, Elton Skënderi dhe Lulzim Marçinaj.

Sipas prokurorit Gjergji Tako, veprimet procedurale ndaj të dyshuarve u realizuan me, sekuestrimin e pamjeve filmike, raportit të shërbimit, si dhe provave të mbledhura nga grupi hetimor.

Por Balliu u shpreh se, nuk ka kundërshtuar në asnjë rast punonjësit e policisë, ndërsa veprimet e tij ishin në mbrojtje të tyre.

Vendimi i lirimit të katër të pandehurve, u prit me ovacione nga jashtë gjykatës së Tiranës, ku ishin protestues të shumtë të zonës së Unazës së Re.

Policia e Tiranës procedoi në total 30 persona si dhe 3 të tjerë u shpallën në kërkim. Personat e proceduar, penguan automjetin e kryeministrit të kalonte në Unazën e Re, mesditën e 7 majit./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono