Gjykata e Lartë hedh poshtë ofertën e Trump për demokratët

23:11 | 22/01/2019

Gjykata Supreme në Shtetet e Bashkuara ka lënë në fuqi mbrojtjen e emigrantëve nga deportimi, duke zhvlerësuar tërësisht ofertën që presidenti Trump u bëri demokratëve për zhbllokimin e ngërçit institucional. Trump kishte ofruar një mbrojtje të përkohshme në këmbim të financimit të murit me Meksikën.

Plani i presidentit Donald Trump për t’i dhënë fund bllokadës qeveritare duke e ndërtuar murin në kufirin SHBA-Meksikë mori një goditje të fortë të martën, kur Gjykata Supreme e Shteteve të Bashkuara la në fuqi programin për mbrojtjen e emigrantëve të rinj nga deportimi. Në draftin e tij, Trump ofronte mbrojtje të përkohshme për emigrantët e kësaj kategorie në këmbim të financimit të 5.7 miliardë dollarëve për murin. Çështjet në fjalë janë kthyer në një betejë epike në Uashington mes presidentit republikan dhe demokratëve që kontrollojnë Kongresin. Për shkak të kësaj beteje, një pjesë e mirë e agjencive qeveritare kanë ndërprerë pjesërish operacionet e tyre dhe 800 mijë punonjës federalë kanë mbetur pa paga.

Të shtunën, Trump propozoi zhbllokimin e pjesshëm të ngërçit institucional përmes financimit të një të katërtës të agjencive qeveritare. Në këmbim, ai do të merrte 5.7 miliardë dollarë për të ngritur murin në kufirin jugor të Shteteve të Bashkuara. Por demokratët përsëritën qëndrimin e tyre se muri nuk do të jetë efikas në luftën kundër krimit dhe drogës dhe paralajmëruan se nuk do të pranojnë kurrë një masë të përkohshme për mbrojtjen e emigrantëve në këmbim të një strukture të përhershme. Edhe vendimi i Gjykatës Supreme ditën e martë, që lë në fuqi masën e vjetër, shkon në favor të demokratëve./abcnews.al

 


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono