Gjykata dënon ish-ministrin Tahiri, reagon Sali Berisha

22:42 | 19/09/201922:420

Sipas ish-kryeministrit Sali Berisha procesi i gjyqësor ndaj Saimir Tahirit fakton se mafia e drogës nuk e gjykon dhe as nuk e dënon veten. Njësoj si kreu i Partisë Demokratike edhe ish-lideri i saj, e cilësoi vendimin që e dënoi Saimir Tahirin me 3.4 vite burg si të turpshëm.

“Ky vendim i turpshëm është i ngjashëm me ato të karteleve, në të cilat droga, trafiqet janë meritë dhe jo krim dhe kumbarët kryesorë mbrohen e nuk dënohen.

Narko prokuroria, siç kanë faktuar mediat fakte thelbësore dhe prova përvëluese të bashkëpunimit të Saimir Trafikut me Habiljat, nuk i vendos dhe si trajton si të tilla në aktakuzën e saj.

Narko prokuroria kërkon për veprat penale që e akuzon nga së paku 40 vite burg vetëm 12 vite.
Narko gjykatësit mezi priten t’i kërkonin ndjesë Saimir Trafikut se ishte i pafajshëm, por të detyruar dhe vetëm sa për sy e faqe të shqiptarëve dhe ndërkombëtarëve po i japin një akuze koti për abuzim detyre dhe jo kurrë për kanabizimin së bashku me shefin e madh Edvin Mafinë të mbarë vendit sepse ti o Sajmir Trafiku ke zbatuar vetëm porosinë e tij.

Si përfundim miq, ky proces dëshmon përfundimisht se për narkoshtetin e vetëm dhe të parë në Europë shteti ligjor nuk ekziston. Vetëm qytetarët shqiptarë me guxim dhe sakrifica mund të nxjerrin fatin e tyre nga kthetrat e mafies së drogës të kryesuar nga Edvin Mafia”, shkruan Berisha.


3.4 vjet burg është dënimi i vendosur nga Gjykata e Krimeve të Rënda për ish-ministrin e Brendshëm Saimir Tahiri. Trupi gjykues ka vendosur dënimin e Tahirit me 5 vjet burg, por për shkak të gjykimit të shkurtuar, dënimi i është ulur automatikisht në 3.4 vite, i cili konvertohet në shërbim prove. Gjithashtu, gjykata ka vendosur t’i ndalojë Tahirit të drejtën për funksione publike në një periudhë 3-vjeçare./abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono