Gjukanoviç fiton zgjedhjet presidenciale në Mal të Zi

10:45 | 16/04/2018

Millo Gjukanoviç ka triumfuar në zgjedhjet presidenciale në Mali të Zi. Numërimi i të gjitha votave ka treguar se Gjukanoviç fitoi me 53.8% të preferencave. Ndjekësi më i afërt ishte Kandidati i Frontit Demokratik, Demokratëve, Partisë Socialiste Popullore dhe Lëvizjes qytetare URA, Mlladen Bojaniç, i cili mori 33.5% të votave. Ndërsa 5 kandidatët e tjerë nuk arritën as në kuotën 10% të votave.

Presidenti i ri i Malit të Zi, Millo Gjukanoviç, në një fjalim pas shpalljes së fitores tha se ka përmbushur premtimin, duke fituar zgjedhjet që në raundin e parë të votimit. Ai beson se fitorja nënkupton mbështetjen e rrugës së Malit të Zi në Bashkimin Europian.

“Jam i bindur se nuk do t’i zhgënjejmë qytetarët dhe se në pesë vitet e ardhshme do ta bëjmë këtë hap përfundimtar”, tha Gjukanoviç në ndërtesën e qeverisë së vjetër.

Ai shtoi se vlerëson entuziazmin, besnikërinë dhe angazhimin e qytetarëve dhe premtoi se do të ndërtojë për ta një jetë më të mirë.

Pothuajse të gjithë rivalët e tij pranuan humbjen. Kandidati presidencial, Marko Milaçiç, nuk e ka pritur aspak mirë fitoren e Gjukanoviç në raundin e parë të zgjedhjeve, duke thënë se kjo është një humbje për shoqërinë malazeze.

“Po hyjmë në fazën e diktaturës”, tha ai, duke shtuar se kjo do të thotë se do të hyjmë në dekadën e katërt të mosndryshimit të pushtetit.

Ndërkohë, për herë të parë në zgjedhjet presidenciale në Mal të Zi ka pasur një kandidate femër. Draginja Vuksanoviç mori vetëm 8.3% të votave./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono