Gjonaj: E papranueshme dhuna e nxitur nga partitë e opozitës

14:24 | 14/04/2019

Etilda Gjonaj e konsideron të papranueshëm dhunën në protestën e opozitës. Sipas saj qëllimi i tyre është destabilizimi i vendit në një kohë kur Shqipëria monitorohet në prag të marrjes së vendimit për çeljen e negociatave.

Deklaratën, ministrja e Drejtësisë e bëri gjatë një konference për mediat këtë të diel.

“Është e papranueshme dhuna në çdo lloj proteste, por e patolerueshme dhe e papranueshme është kur kjo dhunë organizohet nga partitë politike, misioni kushtetues i të cilave duhet të jetë ndikimi në jetën e vendit nëpërmjet mjeteve demokratike dhe jo dhunimi dhe shkatërrimi i pronës publike dhe asaj private.

Qëllimi i tyre është tashmë i ditur. Kërkohet me doemos destabilizimi i vendit, sidomos në këtë periudhë kur monitorohemi ngushtë nga KE dhe shtet anëtare të BE-së për marrjen e vendimit për çeljen e negociatave. Në këto akte dhune të paligjshme dëmtohet Shqipëria, duke penguar që të ecë përpara në rrugën e integrimit evropian”, tha ministrja Etilda Gjonaj.  /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono