Gjenerali Haftar largohet nga Moska pa firmosur armëpushim: Kam nevojë për kohë

13:45 | 14/01/202013:450

Gjenerali Khalifa Haftar është larguar nga Moska pa firmosur marrëveshjen për armëpushimin me qeverinë e marrëveshjes kombëtare të drejtuar nga Fajez al – Saraj.

Ai u shpreh se dokumenti i propozuar injoron shumë nga kërkesat e ushtrisë kombëtare të Libisë.

Moska nga ana e saj propozoi që Europa, Rusia dhe Turqia të bashkojnë forcat për të detyruar të gjitha palët në Libi që të arrijnë marrëveshje dhe jo të zgjidhin gjërat ushtarakisht. |

Haftar denoncoi mungesën e disa kërkesave të tij, e sidomos atë për tërheqjen e forcave ushtarake turke nga Libia. Ndër të tjera, sipas burimeve të mediave arabe, gjenerali i Libisë ka kërkuar dhe tërheqjen e marrëveshjes mes Turqisë dhe qeverisë së marrëveshjes kombëtare.

Sipas burimeve italiane, vendimi i Haftar është marrë në mënyrë që të studiohet më mirë dhe të thellohet në termat e marrëveshjes në mënyrë që më pas të propozojë modifikime.

Gjenerali ka fituar më shumë kohë në mënyrë që mund të flasë me vendet që e mbështesin për të diskutuar rreth pikave që janë më të pranueshme për ‘të.

Dhe pikërisht për këtë arsye, pasi u largua nga Moska ai ka urdhëruar për në Lindjen e Mesme ku do të ketë disa takime./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono