Gjenden viktima të tjerë në Majorka

12:41 | 12/10/2018

Shkon në 12 numri i viktimave si pasojë e motit të keq në Majorka. Bashkimi Europian u shpreh i gatshëm të mbështesë vendin, ndërsa dhe në Francë shënohen dy viktima si pasojë e përmbytjeve në Bregun e Kaltër.

Shkon në 12 bilanci i viktimave nga përmbytjet në ishullin spanjoll të Majorkas. Lajmi u konfirmua nga policia vendore pas gjetjes së dy trupave të pajetë, një burrë dhe një grua. Sipas mediave spanjolle ata mund të jenë një çift gjerman që ishte i shpallur i zhdukur të enjten.

Zëdhënësi i Bashkimit Europian shprehu ngushëllimet për viktimat, dhe shtoi se është gati për të ofruar mbështetjen që i duhet vendit.

Edhe tenisti spanjoll, Rafael Nadal, është bashkuar me banorët në Sant Lorens për të ndihmuar në pastrimin e shtëpive dhe të rrugëve. Pas përmbytjeve Nadal kishte vënë në dispozicion ambientet e qendrës së tij sportive, për të pastrehët që llogariten deri në 200. Rreth 50 persona aktualisht ndodhen në këtë strukturë.

Por moti i keq ka shkaktuar viktima dhe në Francë. Dy viktima janë sinjalizuar në Bregun e Kaltër. Disa automjete janë marrë para nga uji I lumit Garonet. Sipas policisë, viktimat kanë qenë në automjetin e tyre, ndërsa janë shpëtuar 16 persona të tjerë./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono



TE FUNDIT