Gazetari Koka nxjerr vendimin e pushimit nga Prokuroria: Resorti “Golden” në Shijak ku u vra Jan Prenga është i ndërtuar me para borxh

23:00 | 05/02/202023:000

Të ftuarit në Byro Politike mbrëmjen e sotme përballë gazetares Juli Xhokaxhi komentuan paketën anti-KÇK që qeveria ka ndërmarrë ditët e fundit.

Gazetari Spartak Koka ka sjellë një fakt tjetër për kompleksin “Golden” në Shijak.

Sipas gazetarit Koka ka një vendim pushimi nga Prokuroria e Krimeve të Rënda në vitin 2015 e cila ka hetuar më parë kompleksin “Golden”,  me arsyetimin se nuk provohej se Golden resort ishte ndërtuar me para të ardhura nga veprimtari kriminale.

“Pozitive është fakti që pas 7 vjetësh kjo qeveri ka vendosur të goddasë të fortët. Edhe në 2017 nisi me të njëjtin pompozitet sekuestrimi i makinave të luksit që 90 % e tyre, bredna 20 apo 30 ditëve  u liruan të gjitha”, tha Koka.

Me këtë fakt juristi Ndreca nuk ka qenë dakord duke i mëshuar faktit se nuk ka qenë policia ajo që i ka liruar makinat e luksit në 2017, por gjyqësori.

Ndërkohë gazetari Artan Hoxha tregoi se operacioni për sekuestrimin e makinave të luksit në 2017 pati zhvillime negative.

“E dini çfarë efekti pati operacioni i 2017 atë 1 muaj? Duke ndaluar mjetet e blinduara të qarkullonin këta personazhet që kishin probleme dolën me mjete të zakonshme dhe në shtator-tetor ndodhën disa atentate të njëpasnjëshme se lanë blindat dhe dolën me mjete të zakonshme. Pastaj u bë problem, si ishte e mundur që u shtuan vrasjet”, tha Hoxha.

Sakaq për resorin “Golden” ku dyshohet  se u mbajt dhe u vra Jan Prenga, pasi u mor peng në Kamëz, gazetari Koka tha se është provuar që ky resort është i ndërtuar me para të marra me kredi.

“Në rast se nuk e dini zoti Ndreca, kompleksi golden në shijak është i ndërtuar me para të marra me kredi dhe para borxh, ju si do e provoni që të ardhurat për ndërtimin kanë ardhur nga veprimtari kriminale. Në arsyetimin e Prokurorisë së Krimeve të Rënda pasi ka nisur procedimi në 2015 thuhet: Nuk arrihet të provohet se ngritja e këtij biznesi ka ardhur nga veprimtari kriminale. Në asnjë moment nuk ka patur asnjë qeveritar që të dalë dhe të denoncojë prokurorin e çështjes për faktet që mund të kishte, as policia nuk ka treguar ndonjë provë tjetër për këtë”, tha Koka.

Ndërkohë Ndreca tha se pikërisht paketa anti-KCK këtë rregullon, që subjekti duhet të provojë ligjshmërinë e të ardhurave me të cilën ka vënë pasurinë./abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono