Gara për pasuesin e May, Boris Johnson fiton raundin e dytë

23:30 | 18/06/201923:300

Boris Xhonson, politikani më i akredituar për të zëvendësuar ish-kryeministren britanike Theresa Mej, ka fituar shumicën e votave në raundin e dytë të votimit për liderin e Partisë Konservatore. Xhonson, ish-kryetar i Bashkisë së Londrës dhe ish-ministër i Jashtëm, fitoi 126 vota, i ndjekur nga sekretari i Punëve të Jashtme Xheremi Hant me 46 dhe ai i Ambjentit, Majkëll Gov, në vend të tretë me 41 vota. Ministri për Zhvillimin Ndërkombëtar, Rori Stjuart u rendit i katërti me 37 vota, ndërsa ai i Brendshëm, Sajid Xhavid i pesti me 33. Njëri nga kandidatët, ish-ministri i Breksit Dominik Reb, u elliminua pasi nuk arriti minimumin e kërkuar të votave. Duke reaguar, Xhonson falenderoi mbështetësit e tij për fitoren, me 12 vota më shumë se në raundin e parë. Tani, kandidatët e mbetur do të përballen me raunde të tjera votimesh derisa të mbeten dy prej tyre dhe më pas ligjvënësit konservatorë do të vendosin kush do të jetë lideri dhe rrjedhimisht kryeministri. /ABC News Albania 24/7

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono