“Gabova, por më duheshin para për dasmën…”

18:19 | 10/07/2019

“Gabova, por gjithçka e bëra për dashurinë”. Kështu ka deklaruar një 29-vjeçar shqiptar para trupës gjykuese në Perugia të Italisë, i cili disa ditë më parë u arrestua me akuzën e shpërndarjes së lëndëve narkotike.

“Martohem për 20 ditë dhe më duheshin para për dasmën. Për këtë arsye shpërndava kokainë”, i tha ai gjykatëses së çështjes.

Identiteti i shqiptarit nuk bëhet i ditur. Ai u mundua që t’i shpjegonte gjykatëses Carla Giangamboni se e kishte kryer këtë gabim sepse ishte bindur se kjo do të ishte një mënyrë për të siguruar paratë që do i shërbenin për dasmën.

I riu mbrohej nga avokatja Donatella Panzarola dhe pranoi dënimin me 1 vit e gjysmë burg, por me të drejtë lirimi me kusht. 29-vjeçari u arrestua të mërkurën e kaluar nga agjentët e anti-drogës. Këta të fundit kishin arritur tek ai pas gjurmëve që kishte lënë me disa klientë.

Në momentin e arrestimit atij iu gjetën 9 qese të vogla me drogë. Më pas, gjatë kontrollit në shtëpinë e tij u gjetën edhe materiale që shërbenin për peshimin dhe prerjen e lëndës narkotike në doza. Sikur të mos mjaftonte, celulari i tij binte vazhdimisht, ndërkohë që agjentët dyshonin se ishin klientë potencialë të tij që kërkonin drogë./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono